Оки Журам

Окигийн журмууд

Охидод зориулсан дизайн

Оки нь Монгол болон Индонезид охид болон тэдний ойр дотны хүрээллээс авсан өргөн хүрээний судалгааг ашиглаж, охидын оролцоотойгоор охидод зориулж зохион бүтээсэн апп юм. Окигийн нэр, өнгө үзэмж, мэдрэмж, үйл ажиллагаа болон үйлдэл гэх мэтчилэн аппыг зохион бүтээх бүхий л шатанд охид шийдвэрийг гаргаж байсан.

Ийнхүү охидын оролцоотойгоор Окиг хөгжүүлж, загварыг бүтээсэн нь Окиг охидод илүү ойр дотно болгосон.

Тоглоом мэт шийдэл

Оки нь тоглоом мэт шийдлийг ашиглаж, охидод сарын тэмдгээ хөтлөхөд нь илүү хөгжилтэй, сонирхолтой байдлаар зохион бүтээгдсэн.

Окигийн тоглоом мэт шийдлийн ачаар охид аппаа өөрсдийн хүссэн аватар болон загварыг сонгож, сонжоо бөглөж, аватараасаа нөхөрсөг мессежүүдийг хүлээн авна!

Оки нь сарын тэмдэг болон бие махбодын талаар эерэг мэдээлэл өгч, сарын тэмдгийн үеэрх ичгүүртэй байдлыг арилгаж, хөгжилтэй болгох болно!

Охидын технологийн боломжит байдалд нийцүүлсэн

Охидод төвлөрсөн судалгааны явцад олон охид ухаалаг утсаа хэн нэгэнтэй хувааж хэрэглэдэг, интернэт сүлжээ бага газар амьдардаг байсан нь тэдний технологийн хэрэглээ болон ашиглалтын талаар мэдэх боломж өгсөн.

Тиймээс Оки нь эдгээр нөхцөл байдлуудад ч нийцэхээр бүтээгдсэн. Оки нь оффлайн апп тул Окиг утсан дээрээ суулгасан тохиолдолд интернэт сүлжээгүй газар байсан ч гэсэн ашиглах боломжтой юм. Нэг утсан дээр олон хүн бүртгэлээ сэлгэж ашиглах боломжтой ба нууц үг, хамгаалалт өндөртэй тул өөр хүн таны мэдээллийг харах боломжгүй юм.

Найдвартай контент

Оки нь охидод ойлгомжтой байдлаар сарын тэмдэг, бэлгийн бойжилт болон нөхөн үржихүйн эрүүл мэндийн талаар мэргэжилтнүүдийн бэлтгэж, шалгасан найдвартай мэдээллийг өгдөг. Бүх мэдээ мэдээлэл нь бэлгийн боловсролын олон улсын стандартад нийцсэн.

Оки охидод зөвлөмж үйлчилгээ шаардлагатай болсон тохиолдолд ашиглахад зориулсан онлайн болон оффлайн лавлагаа мэдээллийн хэсэгтэй.

Нээлттэй эх сурвалж

Окигийн код болон контент нь нээлттэй эх сурвалж юм.

Хүн бүр ямар нэгэн хөгжүүлэлт эсвэл лицензийн зардалгүйгээр код болон контентийг ашиглах боломжтой. Нээлттэй эх сурвалж байснаараа Оки аппыг дахин хамтран бүтээх боломжтой болгож, дэлхий даяар Оки хамт олныг бүрдүүлэх боломж үүсч байгаа юм.

Окигийн код нь GitHub дээр олон нийтэд нээлттэй байдаг ба контентийг хүсэлтийн дагуу авах боломжтой.

Аюулгүй, найдвартай

Окигийн хувьд хувийн мэдээлэл бол хамгийн чухал зүйл юм.

Оки нь хүмүүсийн хувийн таних мэдээллийг огт шаардахгүй. Ингэснээрээ охид, залуу эмэгтэйчүүдэд үнэ цэнтэй үйлчилгээ болох юм.

Хэрэглэгчийн сарын тэмдгийн мэдээлэл нь аюулгүй, найдвартай байх ба зөвхөн хэрэглэгч өөрийн хийсэн нууц үгийн тусламжтайгаар бүртгэлдээ нэвтрэх боломжтой. Оки нь хэрэглэгчдийн мэдээлэл аюулгүй, хамгаалалттай газар хадгалах онцгой дата удирдлагатай.

Окигийн нууцлалын журмыг унших

Окигийн гэрээт нөхцлүүдийг унших