1. Wokim kontrak

Ol dispela Lo Bilong Yusim em wanpela kontrak wantaim Oky we i putim ol lo bilong yu wok wantaim Oky app na websait.

Oky em wanpela app bilong bihainim taim bilong sikmun bilong ol yangpela meri we ol yet i putim tingting long kamapim. Dispela app i save gat ol tok bilong sik mun long wei bilong amamas na long ol nupela stail na ol gutpela tinting.

Plis ritim gut ol dispela Lo Bilong Yusim gut. Taim yu yusim Oky app, em soim olsem yu wanbel olsem yu ritim, klia gut, na yu orait long ol lo i stap daunbilo. Sapos yu no wanbel long wanpela bilong ol dispela lo, orait yu no ken yusim Oky app.

Oky em bilong ol yangpela manmeri husat igat 10-pela krismas na go antap. Sapos yu no winim 16 krismas, mipela laik bai yu toktok wantaim papamama o wasman bilong yu long pastaim long yu yusim Oky app na yu kisim tok orait bilong long yu yusim Oky app.

Ol dispela Lo Bilong Yusim inap senis, olsem na plis sekim gut ol Oky Lo Bilong Yusim bilong long app o long websait sampela taim. Deit bilong ol nupela senis i stap daunbilo long dispela pes. Sapos yu wok long yusim Oky app yet, dispela em soim olsem yu orait long ol senis i kamap long dispela Lo Bilong Yusim. 

Pasin bilong Stap Hait (Praivesi) em bikpela samting tru long mipela – plis ritim tu Lo bilong Stap Hait (Praivesi Polisi) mipela putim, em bai helpim yu save olsem wanem Oky app save bungim, haitm, na yusim ol stori yu givim long mipela. Taim yu yusim Oky app, em yu tokaut olsem yu wanbel long ol lo bilong mipela long Stap Hait (Praivesi polisi). 

2. Kamapim na lukautim Akaun

Sapos yu laik yusim ol wok bilong sekim taim bilong sikmun long Oky app, yu mas rejista long Oky app na kamapim wanpela akaun. Em i laik bilong wan wan long kamapim akaun, tasol sapos yu mekim olsem, bai yu inap lukim ol taim bilong sikmun bilong yu na ol narapela toksave  bilong helt long ol kat bilong de (olsem bodi, tingting, wok na ol samting yu mekim na sikmun, na kat bilong yu long ol samting yu save mekim long wan wan de). Sapos yu no wokim wanpela akaun tu, em orait, bai yu inap lukim ol infomesen bilong Oky insait long ensaiklopedia. 

Taim yu wokim wanpela akaun, mipela bai askim yu long wokim wanpela yusa nem o wanpela displei nem, makim mun na yia yu kamap long en, nem bilong yu na ples yu stap long en (kantri na provins tasol). Mipela strongim yu long kamapim wanpela yusa nem o displei nem we ino nem tru bilong yu, o ol narapela toksave we i tokaut long yu – moa yet sapos yu aninit long 18 krismas. 

Taim yu kamapim akaun bilong yu, yu bai mas makim wanpela hait askim wantaim bekim. Plis lukautim gut dispela toksave gut bilong wanem em i wanpela rot tasol bilong yu inap go insait long akaun bilong yu sapos yu lusim tingting long password bilong yu. 

Taim yu kamapim pinis akaun bilong yu, yu ken senisim nem bilong yu o displei nem taim yu makim narapela nem, senisim paswod o senisim hait askim na paswod bilong yu.

Sapos yu laik lukim mipela lukautim ol stori bilong yu olsem wanem, plis lukim Lo bilong Stap Hait bilong mipela. 

Em i wok bilong yu long lukautim paswod bilong yu, hait askim na hait bekim bilong yu. Em i wok bilong yu long lukautim olgeta lain husat save yusim akaun bilong yu. Maski sapos narapela lain i yusim akaun bilong yu, Yu no ken yusim Oky akaun bilong narapela man o meri sapos yu ino kisim

Sapos yu ting olsem akaun bilong yu i no moa seif olsem sapos ol i stilim paswod bilong yu – yu mas senisim paswod bilong yu kwiktaim. Sapos yu lusim tingting long paswod bilong yu, em bai askim yu long putim hait askim bilong yu bilong yu ken go long akaun bilong yu.

Sapos yu lusim tingting long hait askim na bekim bilong yu, bai yu gat planti sans long traim, tasol sapos yu no inap tingim gen, yu bai mas kamapim nupela akaun bilong yusim Oky app. Sapos yu kamapim nupela akaun, save olsem yu no inap kisim bek ol infomesen bilong yu long dispela olpela akaun.

Oky ino inap long go insait long akaunt bilong yu na em no inap long senisim, kisim bek o wokim gen ol paswod o ol hait askim bilong ol man husat i bin yusim dispela program.

3. Ol Lo Bilong Yusim

Oky em wanpela app we i redi na amamas long helpim ol yangpela bilong olgeta hap graun. Oky luksave long ol kain kain lain i yusim dispela app, olsem na Oky i laik kamapim wanpela ples we olgeta kain yangpela man na meri i ken pilim orait, maski ol i bilong wanem kantri, o ol i man o meri, wanem tumbuna lain, wanem kain lotu, o ol i gat wanem tingting long pasin bilong seks, o ol i gat wanem tingting bilong politik.

Ol bikpela samting bilong Oky em pasin bilong tingim ol samting i gutpela, pasin bilong opim tingting, pasin bilong rispek, pasin bilong wok wantaim olgeta pipel, toktok igo ikam, wok bung wantaim, na pasin bilong mekim gutpela wok. Taim yu yusim Oky app, yu wanbel long bihainim olgeta lo bilong kantri bilong yu.

4. Samting stap insait

Oky em wanpela rot bilong bihainim na save long taim bilong sikmun bilong yu, na tu, em givim sampela save long sikmun na helt bilong ol meri. Dispela sevis no gat pe bilong en bilong wan wan manmeri long yusim bilong helpim ol yet. Olgeta samting long Oky app bilong yu na ol wanlain bilong yu, tasol i no bilong wokim bisnis.

Plis no ken yusim Oky app bilong pasim bel o bilong mekim wok bilong painim marasin. Sapos yu gat sik, yu mas toktok wantaim dokta.

Oky no bilong kisim ples bilong ol samting bilong pasim bel na/o tok stia bilong dokta: em i bilong givim save tasol. Taim yu yusim Oky app, yu tok orait long yusim dispela app long ol wok bilong em stret, na no ken tru yusim bilong pasim bel na/o mekim wok long ol marasin.

Ausait long ol ol man-i wokimg samting, Oky holim olgeta rait long Oky kod, na ol wok bilong Oky app, na ol program, ol samting bilong sapotim ol samting i stap long dispela sait olsem (“Oky IP”). Ausait long ol rait ol i larim yu long yusim aninit long ol dispela Lo bilong Yusim, yu no inap kisim ol rait long ol samting bilong Oky IP. Sapos yu laik yusim Oky IP long wanpela wei em ol dispela Lo bilong Yusim i no orait long en, pastaim yu mas toktok wantaim Oky tim na kisim tok orait.

Sapos mipela no tok narapela tok, olgeta samting Oky givim long dispela app na websait i gat laisens aninit long Creative Commons laisens: Attribution 4.0 International (CC BY 4.0). Dispela laisens i larim yu na ol narapela long wokim kopi na tilim ol samting long Oky app. Dispela laisens i laikim yu long givim luksave long man o meri husat i raitim dispela app. Taim yu yusim ol tok bilong Oky, plis yu mas yusim dispela tok luksave: “Oky em United Nations Children’s Fund i kamapim. Lukim long  http://www.okyapp.info”. Sapos yu gat sampela askim moa, yu ken go tasol websait bilong the Creative Commons FAQ pes, we yu bai painim moa toksave.

Plis luksave olsem Oky app na ol Oky helpim ol samting ken i gat ol piksa, ol nois na ol video em ol tred mak bilong ol narapela lain. I no gat wanpela tok long ol dispela Lo Bilong Yusim o Creative Commons laisens i pasim o daunim ol rait bilong ol save (intellectual property rights) o tinging bilong ol narapela lain. Yu no ken yusim ol dispela samting bilong makim, salim, o sapotim wanpela samting o sevis. Yu yet bai kisim heve sapos yu asua long brukim ol ol rait bilong ol save bilong ol narapela long wokim ol samting.

Oky, dispela Oky app na ol nem, logo na emblem bilong UNICEF em bilong UNICEF tasol. Ol lo bilong kantri na ol lo bilong ol narapela kantri i banisim ol dispela samting. I tambu long yusim nating sapos yu no gat tok orait long en. No ken wokim kopi bilong ol o kamapim gen long narapela rot, sapos UNICEF i no tok orait long pepa pastaim. Salim askim bilong kisim tok orait, i kam long mipela long hello@okyapp.info.

5. Senis long Ol Lo na Stetpela Pasin

UNICEF save senisim ol dispela Lo sampela taim. Olgeta taim yu laik yusim Oky, plis sekim ol dispela ol lo bilong kliagut long ol lo bilong dispela taim.  

6. Ausait link na ol samting

Oky igat ol link igo long ol narapela websait na ol narapela samting em Oky na UNICEF i no bosim. Ol dispela link ino makim olsem igat tok orait long Oky na UNICEF long ol websait, ol samting o sevis.

Taim yu klik long ol link long Oky app o websait, sampela bilong ol inap bringim yu i go long ol narapela hap long intanet, olsem na plis tingim dispela na klik gut! Mipela i no bin sekim olgeta narapela sait na mipela i no inap tok promis olsem ol i stret o ol inap bilip long ol. Na tu, mipela i no sapotim ol dispela web-sait, ol tingting bilong ol, o ol samting ol i laik salim. Tingim tu olsem ol dispela narapela web-sait i gat ol lo bilong ol yet long mekim wok long en. Oky i no gat wok long skelim ol samting i stap long ol dispela narapela sait.

UNICEF na o Oky i no gat asua o ino inap peim kot bilong ol dispela websait, wantaim olsem wok o asua bilong tokaut stret o tok tru long olgeta infomesen, data, tingting bilong wan wan, tok stia na ol bikpela toktok i kamap long ol dispela websait. 

7. Toksave

Wanem ol samting yu ritim long Oky app o websait, i no ol lain bilong Oky na UNICEF tasol i raitim, olsem na ol lukluk long samting na ol tingting i kamap long Oky app na websait i no wankain olgeta taim olsem ol tingting bilong UNICEF na/o Oky tim.

Olgeta samting Oky save givim o i putim em “olsem tasol i stap”. Dispela i makim olsem mipela i no inap tok promis olsem olgeta tok yu lukim long dispela sait bai stret olgeta o i no gat popaia. Ol i save skruim sampela tok moa long Oky, o senisim, o stretim, o kamapim ol nupela tok long en, na ol i no save givim toksave long yu. Yu mas tingting gut na yu yusim gut ol samting i stap long Oky app o websait.

Oky app na websait bilong mipela inap senis long sampela taim bilong givim ol nupela infomesen, link o givim ol nupela wok na kamapim ol senis bilong inapim ol laik bilong ol man i yusim. 

I no gat wanpela toksave olsem Oky app, o ol samting i stap long en, bai i stap oltaim o i no gat wanpela samting bai pasim rot bilong ol. Mipela inap rausim o pulim daun o stopim sampela hap bilong Oky app long sampela as bilong wok o ol narapela samting. Mipela bai traim long givim yu gutpela toksave long yu long wanem samting mipela stopim o rausim. 

Yu wanbel olsem yu yet i gat wok long stretim wanem kain hevi yu bungim taim yu yusim Oky app. UNICEF na Oky i no inap mekim wanpela samting bilong bekim ol hevi o bagarap yu painim taim yu yusim Oky app. Yu wanbel long bekim long moni bilong yu yet na UNICEF wantaim ol ofisa bilong en, ol wokman, ol konsalten na ol ejen bilong en bai ino inap bekim ol dinau bilong yu long wok yu mekim long Oky app na websait.

Kolim nem bilong sampela kampani o samting ol i kamapim long app o websait bilong Oky, i no makim wanpela tingting bilong bagarapim ol propraietri rait bilong ol, na tu, ol i no ken tingim olsem wanpela tok orait bilong UNICEF na/o Oky. 

Taim ol yusim ol nem bilong ol kantri o teritori o ol mep long dispela sait, dispela i no makim tingting bilong UNICEF na/o Oky long sait bilong lo bilong ol dispela kantri o teritori, ol gavman na ol institusen o long ol  bilong ol, o makim ol mak bilong ol.

8. Kontekim mipela

Sapos yu gat sampela askim long Oky, yu ken toktok wantaim mipela long hello@okyapp.info .

Laspela taim ol i stretim long 1 Desemba 2021