Dispela Praivesi Polisi i tok klia long wanem rot mipela save bungim, putim na yusim ol data bilong yu, na ol samting mipela save mekim bilong lukautim ol data bilong yu.
Plis ritim gut dispela Praivesi Polisi bilong mipela pastaim na bihain yu yusim Oky na yu lukim gen olgeta taim bilong sekim sapos igat senis. Tingim, taim yu go long Oky app o Oky websait na yusim, em olsem yu wanbel long dispela Praivesi Polisi.
UNICEF i bin wokim Oky na em i papa long en. Plis no ken pret long kontekim mipela sapos yu gat sampela askim long wanem rot mipela yusim ol data bilong yu long Oky. Long konekim mipela, yu ken salim e-mail long hello@okyapp.info. Long dispela Praivesi Polisi, “personal data” i makim olgeta toktok we i helpim mipela long luksave long wanpela man o meri, long em yet o long narapela rot, olsem nem bilong en, aidentifikesen namba, data bilong hap em stap, bilong luksave onlain o wanpela moa samting i tokaut long wanpela man o meri em husat stret.
Wanem ol stori bilong yu Oky save bungim we na mipela yusim olsem wanem.
Taim yu putim ol toksave long Oky app, Oky i yusim teknoloji bilong tanim ol dispela data i kamap gutpela toksave we inap helpim yu long save moa long kainkain ron bilong sik mun, bilong helpim yu bai yu inap bosim gut bodi na helt bilong yu.
Ol i wokim Oky bilong daunim pasin bilong yusim ol data bilong yu. Long daunbilo yumi stori long ol samting yumi save kisim long ol man na ol kain data yumi save bungim na stretim, na tu stori bilong yumi save yusim ol dispela data:
Ol toksave bilong login
Sapos yu laik yusim ol wok bilong sekim taim bilong sik mun long Oky app, yu mas kamapim wanpela login. Long taim bilong kamapim login, mipela askim yu long soim wanpela mak o username, mun na yia mama karim yu, man o meri na ples yu stap long en (kantri na provins tasol). Mipela strongim yu long makim wanpela nem we no inap tokaut long nem tru bilong yu o ol narapela stori we inap helpim ol man long luksave long yu- moa yet sapos krismas bilong yu aninit long 18 krismas. Mipela askim yu long toksave sapos yu man o meri, krismas bilong yu na ples yu stap, bai mipela save gut sapos mipela toktok long ol man stret husat bai harim dispela tok; olgeta dispela data bung wantaim na i no gat nem bilong ol.
Data bilong masin
Mipela save bungim ol toksave long dispela masin yu yusim bilong kisim ol sevis bilong Oky, olsem model bilong masin, operesen sistem, tokples, ples em stap, na hamas taim bilong sesen. Ol dispela data no gat nem bilong ol na ol bungim bilong helpim mipela long save gut long ol lain yusa bilong mipela husat i wok wantaim Oky.
Data bilong mekim wok
Taim yu yusim Oky app, mipela wantaim ol third-party sevis lain bai stretim ol data long wanem kain wei yu wok wantaim Oky app. Dispela data bilong mekim wok, em ino gat nem bilong yu, olsem na ol ino inap luksave long yu olsem yu wanpela man tasol. Mipela yusim wanpela App senta wantaim sampela pasin ol yet i kamapim bilong sekim ol samting bilong rekodim ol dispela pasin bilong toktok.
Mipela save bungim ol dispela toktok bilong save gut long wanem ol sevis bilong mipela yu wok long yusim, kain olsem wanem ol hap bilong Oky app yu save yusim na bilong luksave sapos olgeta wok bilong Oky app em i wok gut. Mipela save bungim ol dispela toksave tu bilong toktok wantaim yu long dispela app na ol sevis bilong en.
Helt na Sik Mun Data
Ol toksave bilong helt bilong yu na sik mun we yu putim long kalenda bilong Oky app, olsem ol deit bilong sik mun bilong yu long bipo na nau, ol i save bungim na yusim bilong save long ol de bilong sik mun bilong yu long bihain. Ol dispela infomesen stap long ol server bilong mipela we yu inap lukim ol dispela toksave long olgeta taim yu login long akaun bilong yu long wanem kain masin yu yusim. Tasol bilong lukautim ol samting bilong yu yet, mipela i bin kamapim wanpela sistem we i no gat wanpela man inap luksave long husat i yusim dispela data.
Ol tok yu raitim long ol kat bilong yu (bodi, piling bilong bodi, wok bilong yu, na ol samting yu mekim long olgeta de) i stap long komputa bilong yu na yu tasol inap lukim.
Wok Painimaut
Oky inap askim yu long tingting bilong yu long Oky wantaim ol askim na ol sevei, olsem long wok bilong app o long gutpela wok bilong ol infomesen Oky i save givim na ekspiriens bilong yu yet long yusim Oky app. Oky i save yusim ol tok yu givim long ol askim na ol sevis bilong mipela na wanem ekspiriens bilong yu wantaim Oky. Ol i no save long nem bilong ol man i bekim dispela askim.
Ol Kuki
Ol kuki em ol liklik teks fael we i save kamapim nem bilong kompiuta, fon, na ol narapela samting bilong yu long kompiuta bilong mipela igo long server bilong mipela.
Websait bilong Oky i save yusim Google Analytics, em inap yusim ol kuki na ol narapela kain teknoloji bilong bungim na skelim ol toksave long yu yusim websait na ripot long ol samting yu mekim na ol senis i kamap. Yu ken lainim moa long ol wok bilong Google long https://www.google.com/policies/privacy/partners/. Ol infomesen ol i bungim long Google Analytics i makim IP adres bilong yu, ples yu stap long en, wanem brausa yu yusim, ID bilong ol masin na ol samting ol i save mekim, sistem bilong yu long mekim wok long en, ol tokples yu laikim, ol URL bilong yu, na ol infomesen long wok yu mekim long Oky Web-sait.
Tasol, Google Analytics i save rausim olgeta Personal infomesen bilong ol lain save yusim Oky websait (kain olsem ol IP adres) bipo long ol i salim ol analytic bilong ol i go long Oky tim, olsem na olgeta infomesen bilong ol websait i no gat nem bilong ol na ol i no inap yusim bilong luksave long yu o narapela man.
Ol bungim ol dispela data
Mipela inap bungim ol infomesen ol kisim long Oky app bilong skelim ol statistik na ol narapela samting i bihainim lo, olsem long ol wok painimaut bilong helpim mipela long save moa long pasin ol yangpela mekim long yusim ol teknoloji na ol digital tul. Ol risit bilong dispela wok painimaut inap kamap long ol narapela, olsem ol poroman bilong mipela, ol man i sapotim mipela, ol tisa na ol saveman long rot bilong ol kibung, ol nius, na ol narapela buk. Sapos yumi mekim olsem, bai yumi bungim olgeta data na bai yumi no inap save long nem bilong ol.
Ligal
Mipela inap yusim ol infomesen bilong yu long strongim ol Lo Bilong Yusim, na ol lo bilong lukautim legal rait bilong mipela, na ol intenal polisi.
- Mipela lukautim ol data bilong yu olsem wanem
Mipela save mekim planti samting – long pepa na ilektronik – bilong blokim ol man i no gat namba long kisim na kamapim ol data bilong yu. Tasol i gat rot long ol narapela third-party inap stilim ol data bilong yu. Olsem na maski mipela wok strong long banisim gut ol data bilong yu, mipela no inap tok promis olsem ol data bilong yu bai stap hait olgeta taim.
Ol saveman save sekim ol sekuriti bilong ol seva bilong mipela long olgeta taim bilong lukautim ol data bilong yu long ol man i no gat rait long kisim na go insait.
Ol dispela data stap long ol server bilong mipela: username bilong yu, mun na yia mama karim yu, man o meri, ples ( kantri na provins), ol data bilong sik mun bilong yu, taim sik mun bilong yu i stat na tai mem pinis, na tokples na avatar yu bin makim long Oky app. Tasol mipela bin kamapim wanpela sistem we i ol narapela man ino inap luksave long wanem man o meri i yusim dispela data. Mipela save putim ol dispela data long komputa bilong mipela, na yu inap lukim taim yu log igo insait long akaun bilong yu long ol olgeta kain masin.
Yu ken ring na askim mipela long wanem samting yu laik save long sekyuriti bilong data, wantaim email:hello@okyapp.info.
Ol tok stia bilong lukautim ol data bilong yu
Mipela bilip olsem bikpela birua bilong sekyurit na praivesi bilong data bilong yu em sapos wanpela man – ating wanpela yu save long em – i go insait long masin bilong yu. Ol data yu putim insait long Oky bilong yu yet na mas stap olsem tasol. Mipela stori long sampela rot bilong lukautim gut masin bilong yu:
- Mekim wanpela PIN o paswod code bilong kamapim wanpela login. Mekim bilong yu yet we ol narapela lain bai hat long save. No ken yusim mama karim de o nem bilong yu, olsem kain. Sapos yu yusim masin bilong yu wantaim ol narapela, orait taim yu yusim wanpela PIN kod o paswod, dispela bai mekim na yu wanpela tasol inap lukim ol Oky-data bilong yu long masin.
- Kamapim wanpela samting we bai helpim yu long rausim olgeta data long komputa bilong yu sapos em i lus o ol man i stilim. Wantaim Android, yu ken daunlodim na kamapim Find My Device (bipo ol i kolim Android Device Manager) long Google Play Store na, sapos yu mas mekim olsem, yu ken yusim web interface bilong lokim o klinim fon bilong yu long onlain.
- Ol tet-pati websait
Oky app o websait inap gat ol link i go long ol narapela websait em ino stap insait long dispela Praivesi Polisi. Ol dispela lo bilong lukautim ol samting bilong yu yet stret long wok bilong Oky long stretim ol samting bilong yu. Em ino toktok long lukautim praivesi, infomesen, na ol narapela pasin bilong wok bilong ol tet pati lukautim ol narapela ples bilong wok o sevis em ol websait o app bilong Oky ol link.
Sapos wanpela link i stap insait long Oki websait o app, em ino givim em tok orait bilong yusim link site o sevis bilong UNICEF.
Plis luksave olsem ol dispela lo bilong Pravesi Polisi i no toktok long ol dispela o tok i stap, o ol data ol i bungim i stap, bihain long klik long ol link igo long ol dispela websait ausait.
- Oky bai holim data bilong yu inap wanem taim?
Mipela bai yusim na holim ol infomesen inap long taim mipela mekim wok bilong wanem as mipela bin kisim na olsem UNICEF tok long ol polisi bilong holim bek ol infomesen. Mipela yusim ol data bilong yu long bihainim ol wok bilong mipela aninit long lo, stretim ol tok pait, na strongim ol agrimen na ol rait bilong mipela, o sapos i no gat rot long rausim ol dispela data. Mipela i gat rait long putim ol data bilong yu long ples hait wantaim ol lain ino stap aninit long lukaut bilong UNICEF, olsem ol server o databes bilong wanpela tet-pati o narapela oganaisesen.
- Olsem wanem yu inap bosim ol data bilong yu
Sapos yu bin rejistaim wanpela akun wantaim mipela, yu inap lukim planti infomesen bilong akaun bilong yu taim yu log in na yusim pes bilong kamapim akaun pes. Sapos yu laik rausim akaun bilong yu na/o ol data yu bin givim, yu ken deletim long app. Taim yu deletim akaun, olgeta data bai lus long ol sever bilong mipela.
- Toksave bilong ol senis kamap long Praivesi Polisi
Mipela save skelim ol sekuriti wok bilong mipela na ol Praivesi Polisi bilong mipela na mipela inap senisim sampela polisi sapos mipela ting em i stret. Sapos mipela i mekim senis long ol praivesi wok bilong, mipela bai putim wanpela toksave long Oky websait na app bilong toksave long yu olsem igat senis i bin kamap long Praivesi Polisi.
Ol dispela senis bai kamap wok long taim ol i putim long Oky app na websait. Long dispela as, mipela askim yu long sekim gut ol toksave bilong Praivesi Polisi bilong mipela planti taim. “Laspela sensis” deit stap daunbilo long dispela pes i makim laspela taim ol i bin senisim dispela Praivesi Polisi.
Sapos yu wok yet long yusim Oky app o websait bihain long ol dispela senis, em i soim olsem yu orait long ol senis kamap long dispela Praivesi Poilisi.
- Toktok Wantaim Mipela
Sapos yu laik toktok wantaim mipela, yu ken go long email: hello@okyapp.info.
Laspela senis deit: 1 Disemba 2021
Download
For Android
Get it on the Play Store
Google Play and the Google Play logo are trademarks of Google LLC.
Download Oky directly
For iOS
